「好彩有訓練班!」

張兆輝，1963年出生，1982年中學畢業後就成功投考第11期無線藝員訓練班，同期包括有梁朝偉、梁家輝、吳鎮宇、歐陽震華等等：「我都真系好多謝TVB㗎，我好好彩喺嗰段時間有訓練班，畀我哋去讀、去學，仲要所有導師都系TVB最頂尖慨老師。」直至2001年，張兆輝突然離開工作了19年的TVB，進軍商界開公司，然後又專注拍攝電影。到2011年，張兆輝重返TVB拍攝處境喜劇《結·分@謊情式》，繼而影視雙棲發展，TVB作品大約有每年一部。由1982年出道至今，張兆輝參演過的無線劇已經超過70部，當中擔任男主角的亦超過20部。張兆輝的演技，受到觀眾認可，然而，卻從未曾在TVB得到過任何演技相關的獎項。長江後浪推前浪，王浩信、馬國明、陳展鵬、等後輩輪住封帝，輝哥爭獎的競爭似乎愈來愈激烈。

遭TVB當「Condom」?

Condom即系「保險套」，是近年非常流行的網路用語，用以形容一些很重要，但又被用完即棄的人，在討論近年無線的話題中經常出現，尤其形容「回巢」的「猛將」。前文提到金禮聘回巢拍劇的張衛健、林文龍、宣萱、羅嘉良、吳啟華等，全部被冠以「Condom」之名，最主要原因是他們演技好，又有叫座力，又有收視保證，但與所有演技獎項擦身而過，而近日熱播的《黃金有罪》口碑不俗，但卻擺放在一直被喻為「炮灰期」的檔期播放，年尾頒獎禮奪獎的機會渺茫，主演張兆輝又被網民列入「Condom」之列。

大家各取所需啫！

「Condom，咁真嗰啲梗系用完即棄啦，唔衛生吖嘛！」輝哥不認同自己被用完即棄，「（回巢後）我都拍咗咁多套，但又系咪保證呢？你又唔知㗎。其實有時有啲嘢，例如時間啦，個劇本、角色你鍾唔鍾意啦，咁啱渠又要搵你啦，其實大家都系各有所需囉。其實演戲就系配配搭搭，冇乜話即唔即棄，隨時可能十年後，又會搵返你嚟用都唔出奇，冇所謂。」

「你話我一路你點演電視你都唔會有視帝㗎喇，我都冇所謂！」似乎輝哥對「視帝」的名號，並沒有太大渴求，「我拍慨時候都話，有冇人可以寫包單話你呢個戲一定可以攞獎？冇㗎喎。我拍慨時候唔會因為你有獎畀我所以拍得勤力啲，或者明知冇獎我就求求其其做，我唔會。自己慨睇法就系，放鬆，隨緣，如果你系有慨，你總會有一次機會。最緊要，系啲人鍾意睇我個戲，又或者系TVB全年收視最好最爆燈嗰個，但我冇獎攞，咁已經ok。」

做生意再拍電影

2001年，張兆輝突然與TVB解約，全心全意與太太經營美容生意。一年後，張兆輝獲杜琪峯邀請參演電影《大隻佬》，其鍾Sir一角更獲提名「2004年香港電影金像獎最佳男配角」，其後再接拍杜琪峯另一套作品《柔道龍虎榜》飾演「狼戾哥」，最後獲得「2005年第五屆華語電影傳媒大獎－最佳男配角獎」。輝哥謂「